হর্ষচরিত ব্যাখ্যা – 2
বিহগ কুরুদৃঢ়ং মনঃ স্বয়ং ত্যজ শুচমাসস্ব বিবেকবর্ত্মনি।
সহ কমলসরোজিনীশ্রিয়া শ্রয়তি সুমেরুশিরো বিরোচনঃ।।
হর্ষচরিত ব্যাখ্যা -2
উৎসঃ:- সকলশাস্ত্রপারঙ্গতস্য বানভট্টবিরচিতস্য হর্ষচরিতম্ ইতি অভিহিতস্য আখ্যায়িকাকাব্যস্য পঞ্চমোচ্ছ্বাসাৎ অয়ম্ শ্লোকঃ উৎকলিতঃ।
প্রসঙ্গঃ :- দাহজ্বরাক্রান্তস্য পিতুঃ কীদৃশী অবস্থা অস্তি ইতি জ্ঞাতুম্ ইচ্ছুনা হর্ষেন তু রাজভবনকমলিনীপালেন গীতম্ সঙ্গীতম্ শ্রুতম্।
অন্বয়ঃ :- অস্য শ্লোকস্য অন্বয়ঃ যথা বিহগ কুরুদৃঢ়ং মনঃ স্বয়ং ত্যজ শূচম্ আসস্ব বিবেকবর্ত্মনি বিরোচনঃ কমলসরোজিনীশ্রিয়া সহ সুমেরুশিরো শ্রয়তি।
টীকাব্যাখ্যা:- অস্য শ্লোকস্য টীকাব্যাখ্যা যথা বিহগ-পক্ষিন্, কুরুদৃঢ়ং মনঃ -চিত্তং ধৈর্য্যযুক্তং ক্রিয়তাম্, স্বয়ং -আত্মনঃ, ত্যজ- পরিত্যজ, শুচম্- দুঃখম্, আসস্ব- তিষ্ঠ, বিবেকবর্ত্মনি- জ্ঞানমার্গেন, বিরোচনঃ সূর্যঃ, কমলসরোজিনী- শ্রিয়া – কমলপুষ্পসমন্বিতা পুষ্পরিনী তস্যাঃ শ্রিয়া, সহ- সহিত, সুমেরুশিরো- সুমেরুশিখরে, শ্রয়তি-অবতিষ্ঠতি।
ব্যাখ্যা:- অস্য শ্লোকস্য ব্যাখ্যা যথা- অনেন গীতেন প্রতিপাদিতম্ যৎ হে পক্ষিন্! ত্বম্ চিত্তম্ স্থিরতাম্ নম্। দুঃখম্ পরিহর বিবেকমার্গেন তিষ্ঠ। সূর্যঃ পদ্মপুষ্পসমন্বিতায়াঃ পদ্মলতায়াঃ শোভয়া সহ কনকাঞ্চলস্য শৃঙ্গম্ আশ্রিত্য অস্তম্ এতি। কমলানি সূর্যোদয়ে প্রস্ফুটিতানি ভবন্তি সূর্যাস্তসময়ে চ সংকুচিতানি ভবন্তি। অধুনা সূর্যাস্তসময়ঃ সমায়াতঃ। অত্র কমলিন্যাঃ যশোবত্যাঃ সংকোচনম্ তথা সহমরণম্ তেন চ সূর্যস্য প্রভাকরবর্ধনস্য প্রস্থানরূপম্ স্বর্গগমনম্ ধ্বনিতম্ অত্র।
সূর্যঃ উদেতি অস্তম্ এতি চ প্রতিদিনম্ ইতি শাশ্বতিকম্ এব। উদয়ারম্ভে আলোকস্য বিচ্ছুরণম্ তথা মহিমায়াঃ প্রকাশঃ ভবতি। অস্তাচলে চ ভবতি মহিমায়াঃ অবসানম্। কিঞ্চ সূর্যোদয়ে ভবতি নিশা অবসানম্ তেন চক্রবাকাণাম্ ন দুঃখম্। কত্রৌ চ চক্রবাকাঃ দ্রষ্টুমক্ষমাঃ সন্তঃ ক্রন্দনম্ কুর্বন্তি। অত্র চক্রবাকম্ উদ্দিশ্য পঠিতেন শ্লোকেন প্রভাকরবর্ধনস্য আশুবিনাশম্ ধ্বনিতম্ অস্তি। অতঃ হর্ষেন ধৈর্যধারণম্ উচিতম্ ইতি মণ্যতে।
ছন্দঃ অলংকারঃ চ:– অস্মিন্ শ্লোকে অপরবক্তম্ ছন্দঃ নিদর্শনা অপ্রস্তুতপ্রশংসা চ অলংকারঃ বিদ্যন্তে।
- হর্ষচরিত: ব্যাখ্যা – 6
- হর্ষচরিত: ব্যাখ্যা – 5
- হর্ষচরিত: ব্যাখ্যা -3
- হর্ষচরিত: ব্যাখ্যা -1
- হর্ষচরিত: ব্যাখ্যা – 2
- হর্ষচরিত: ব্যাখ্যা -4
- বানভট্টের রচনাশৈলী সংক্ষিপ্ত পরিচয়
