হর্ষচরিত: ব্যাখ্যা -1

হর্ষচরিত ব্যাখ্যা -1

পাতয়তি মহাপুরুষান্ সমমেব বহূননাদরেণৈব।
পরিবর্তমান একঃ কালঃ শৈলানিবানন্তঃ।।

হর্ষচরিত ব্যাখ্যা -1

উৎসঃ:- সকলশাস্ত্রপারঙ্গতস‍্য বানভট্টবিরচিতস‍্য হর্ষচরিতম্ ইতি অভিহিতস‍্য আখ‍্যায়িকাকাব‍্যস‍্য পঞ্চমোচ্ছ্বাসাৎ অয়ম্ শ্লোকঃ উৎকলিতঃ।

প্রসঙ্গঃ :- অস্মিন্ শ্লোকে রাজ্ঞঃ প্রভাকরবর্ধনস‍্য আকাশগমনম্ সূচয়িতুম্ কালচক্রস‍্য গতিঃ প্রতিপাদিতা।

অন্বয়ঃ :- তস‍্য শ্লোকস‍্য অন্বয়ঃ যথা- অনন্তঃ একঃ কালঃ পরিবর্তমানঃ শৈলানিব সমমেব বহূন্ মহাপুরুষান্ অনাদরেন এব পাতয়তি।

টীকাব‍্যাখ‍্যা:– অস‍্য শ্লোকস‍্য টীকাব‍্যাখ‍্যা যথা- অনন্তঃ -অশেষঃ, একঃ -কেবলম্, কালঃ- সময়ঃ, পরিবর্তমানঃ- চক্রবৎ পরিভ্রমনং, শৈলানিব- পর্বতানিব, সমমেব -তুল‍্যকালমেব,বহূন্- অনেকান্, মহাপুরুষান্- শ্রেষ্ঠজনান্, অনাদরেনৈব- অবমানেনৈব, পাতয়তি – বিনাশয়তি।

ব‍্যাখ‍্যা:– অস‍্য শ্লোকস‍্য ব‍্যাখ‍্যা যথা- দেশান্তরেষু পরিবর্তনম্ প্রাপ্নুবৎ একঃ কালঃ অনেকান্ মহাপুরুষান্ তথা বিশিষ্টশক্তিযুক্তান্ জনান্ অনাদরেন এব বিনাশয়তি সমমেব। যথা- শেষনাগঃ স্বয়ম্ এব স্থিতিপরিবর্তনম্ কুর্বন্ বহূন্ শৈলান্ সমমেব পাতয়তি তদ্বৎ ইতি ভাবঃ। কিঞ্চ একঃ মহাকালঃ চক্রবৎ পরিভ্রমন্ অনেকান্ শ্রেষ্ঠজনান্ হেলয়া এব ধ্বংসয়তি। কালস‍্য তু কুটিলা গতিঃ। সঃ জগন্নিয়তা কিল মহাকালঃ সর্বেশ্বরঃ। জগৎ ইদম্ তস‍্য মতানুসারম্ প্রচলতি। কালচক্রস‍্য পাশপরিবর্তনেন ভূকম্পনম্ ভবিতুম্ অর্হতি ইতি। তস‍্য ঘূর্ননেন মহাপুরুষাণাম্ বিনাশঃ স‍্যুঃ ইতি ভাবঃ। অত্র ন কেবলম্ প্রভাকরবর্ধনস‍্য অপি চ বর্ধনবংশস‍্য বিনাশঃ স‍্যাৎ ইতি সূচনা ভবতি ইতি শিবম্।

অলংকারঃ :– অস্মিন্ শ্লোকে উপমা অলংকারঃ বিদ‍্যতে।

Leave a Comment