হর্ষচরিত: ব্যাখ্যা -3

হর্ষচরিত: ব্যাখ্যা – 3

নিয়তির্বিধায় পুংসাং প্রথমং সুখমুপরি দারুণং দুঃখম্।
কৃত্বালোকং তরলা তড়িদিব বজ্রং নিপাতয়তি।।

হর্ষচরিত ব্যাখ্যা – 3

উৎসঃ:- মনোহরকবিতানির্মাননিষ্ণাতঃ সকলশাস্ত্রপারঙ্গতঃ বানভট্ট খলু সংস্কৃতকাব‍্যজগতি রাজাধিরাজঃ পুষ‍্যভূতিবংশপ্রভবস‍্য শ্রীহর্ষবর্ধনস‍্য জীবনচরিতম্ অধিকৃত‍্য বানভট্টেন বিরচিতা হর্ষচরিতম্ ইতি আক‍্যায়িকা। অস‍্য আখ‍্যায়িকাকাব‍্যস‍্য পঞ্চমোচ্ছ্বাসাৎ অয়ম্ শ্লোকঃ উৎকলিতঃ। সকলশাস্ত্রপারঙ্গতস‍্য বানভট্টবিরচিতস‍্য হর্ষচরিতম্ ইতি অভিহিতস‍্য আখ‍্যায়িকাকাব‍্যস‍্য পঞ্চমোচ্ছ্বাসাৎ  অয়ম্ শ্লোকঃ উৎকলিতঃ।

প্রসঙ্গঃ:- রাজ্ঞঃ প্রভাকরবর্ধনস‍্য ভাবিমৃত‍্যুম্ সূচয়তি অয়ম্ শ্লোকঃ। নরাণাম্ জন্মমৃত‍্যুবিষয়ে নিয়তে প্রভাবঃ অস্মিন্ শ্লোকে দর্শিতঃ।

অন্বয়ঃ :– অস‍্য শ্লোকস‍্য অন্বয়ঃ যথা নিয়তিঃ প্রথমং পুংসাং সুখং বিধায় তরলা তড়িদিব আলোকং কৃত্বা উপরি বজ্রমিব দারুনং দুঃখং নিপাতয়তি।

টীকাব‍্যাখ‍্যা:- অস‍্য শ্লোকস‍্য টীকাব‍্যাখ‍্যা যথা- নিয়তিঃ- দৈবং, প্রথমম্ -আদৌ ইত‍্যর্থঃ, পুংসাং -জনানাং, সুখম্ – আনন্দং, বিধায়-দত্ত্বা, তরলা-চপলা, তড়িৎ -বিদ‍্যুৎ, আলোকম্- উদ‍্যোতম্, কৃত্বা- সম্পাদ‍্য, উপরি-পশ্চাৎ, বজ্রমিব- অশনিমিব, দারুনং-ভীষনং, দুঃখং-ক্লেশং, নিপাতয়তি- আনয়তি ইতি অর্থঃ।

ব‍্যাখ‍্যা:– অস‍্য শ্লোকস‍্য ব‍্যাখ‍্যা যথা- জাগতিকম্ সর্বম্ অনিত‍্যম্ অস্থিরম্ চ। ন কিম্ অপি বস্তু সংসারে চিরস্থায়ী। নরস‍্য ভাগ‍্যম্ এব বলবৎ। দৈববশাৎ প্রাপ্তে সুখে নরঃ আনন্দম্ লভ‍্যতে। সম্পাপ্তে তু দুঃখে নিরানন্দঃ ভবতি। নিয়তেঃ বিধানেন এব নরাণাম্ সুখভোগঃ দুঃখভোগঃ বা ভবতি। সুখাৎ অনন্তরম্ দুঃখম্, দুঃখাৎ অনন্তরম্ সুখম্ – এবম্ হি নিয়মঃ। ক্ষণপ্রভা আদৌ বিশ্বম্ আলোকিতম্ করোতি তৎ ক্ষণমাত্রম্ এব পশ্চাৎ ভীষণম্ বজ্রপাতম্ সম্পাতয়তি। বিদ‍্যুদালোকঃ মনোহারী। পরন্তু সঃ অনিষ্টকরম্ অশনিপাতম্ সূচয়তি।

রাজা প্রভাকরবর্ধনঃ প্রজাপালকঃ মহান্ শাসকঃ আসীৎ সিংহাসনাধিষ্ঠিতে তস্মিন্ প্রজাঃ সুখিনঃ আসন্। পরন্তুঃ অকস্মাৎ নিয়তেঃ বিধানেন এব রাজা রোগোগ্রস্তঃ অভবৎ। তস‍্য ভাবিনিধানম্ আশঙ্ক‍্য প্রজা ভীতা অভবন্। রাজ‍্যস‍্য এবম্বিধম্ ভাস‍্যপরিবর্তনম্ দৈববলেন সংঘটিতম্ ইতি অনেন শ্লোকেন প্রতিপাদিতম্ ইতি শিবম্।

ছন্দঃ অলংকারঃ চ :- অস্মিন্ শ্লোকে আর্যা ছন্দঃ পূর্ণোপমা অলংকারঃ চ বিদ‍্যতে।

Leave a Comment