মেঘদূত কাব্য হতে সংস্কৃত ব্যাখ্যা লিখ ।
মেঘদূত কাব্য হতে সংস্কৃত ব্যাখ্যা
মহাকবি কালিদাস রচিত মেঘদূত কাব্য হতে সংস্কৃত ব্যাখ্যা নিম্নে দেওয়া হল।
মেঘদূত কাব্য হতে সংস্কৃত ব্যাখ্যা-১
১) আনন্দোত্থং নয়নসলিলং যত্র নান্যৈর্নিমিত্তৈ-
-র্নান্যস্তাপঃ কুসুমশরজাদিষ্টসংযোগসাধ্যাৎ।
নাপ্যন্যস্মাৎ প্রণয়কলহাদ্ বিপ্রয়োগোপত্তি-
-র্বিত্তেশানাং ন চ খলু বয়ো যৌবনাদান্যদস্তি।।
উৎসঃ :- মহাকবিকালিদাসস্য বিরচিতস্য মেঘদূতকাব্যস্য উত্তরমেঘাংশাৎ উৎকলিতঃ অয়ম্ শ্লোকঃ।
প্রষঙ্গঃ :- অত্র যক্ষঃ মেঘম্ উদ্দিশ্য অলকায়াঃ সৌন্দর্যম্ বর্ণিতবান্।
সঞ্জীবনী টীকাব্যাখ্যা:- অস্য শ্লোকস্য সঞ্জীবনী টীকা ব্যাখ্যা যথা- যত্র অলকায়াং বিত্তেশানাং যক্ষাণাম্। আনন্দোত্থম্ আনন্দজন্যমেব নয়নসলিলম্। অন্যৈর্নিমিত্তৈঃ শোকাদিভিঃ ন। ইষ্টসংযোগেন প্রিয়জনসমাগমেন সাধ্যাৎ নিবর্তনীয়াৎ, ন তু অপ্রতীকার্যাৎ ইত্যর্থঃ। কুসুমশরজাৎ মদনশরজাৎ অন্যঃ তাপঃ ন অস্তি; প্রণয়কলহাৎ অন্যস্মাৎ কারণাৎ বিপ্রয়োগোপপত্তিঃ বিরহপ্রাপ্তিঃ অপি ন অস্তি। কিং চ যৌবনাৎ অন্যৎ বয়ো বার্ধক্যং খলু ন অস্তি।
তাৎপর্য্যম্ সরলার্থঃ বা :- অস্য শ্লোকস্য তাৎপর্যম্ যথা – অলকাবাসিনঃ যক্ষাঃ নিয়তম্ এব সুখম্ অনুভবন্তি। ন কিম্ অপি তেষাম্ দুঃখকারনম্। অতঃ তেষাম্ নয়নেভ্যঃ দুঃখাশ্রু ন কদাপি বিগলতি। যৎ অশ্রু তেষাম্ নয়নেভ্যঃ দৃশ্যতে তৎ কেবলম্ হর্ষজন্যম্। মন্মথবানপাতজন্যঃ এব তেষাম্ শরীরেষু তাপঃ, ন চ জ্বরাদিজন্যঃ। স চ তাপঃ ন অপ্রতিসমাধেয়ঃ। প্রিয়সঙ্গমেন এব অস্য তাপায়ঃ ভবতি। দয়িতজনেন সহ তেষাম্ বিয়োগঃ প্রেমকলহেন এব ভবতি। ন তু দুশ্চরিতাদিহেতুনা। কিঞ্চ তে সর্বে নিত্যযৌবনাঃ, অনভিজ্ঞাঃ খলু জ্বরামরনা দিদুঃখস্য।
ছন্দঃ অলংকারঃ চ:- অস্মিন্ শ্লোকে মন্দাক্রান্তা ছন্দঃ, পরিসংখ্যা, সংসৃষ্টিঃ, তুল্যযোগিতা, সংকরঃ চ অলংকারাঃ বিদ্যন্তে।
মেঘদূত কাব্য হতে সংস্কৃত ব্যাখ্যা-২
২) বিদ্যুত্বন্তং ললিতবনিতাঃ সেন্দচাপং সচিত্রাঃ
সঙ্গীতায় প্রহতমুরজাঃ স্নিগ্ধগম্ভীরঘোষম্।
অন্তস্তোয়ম্ মনিময়ভুবস্তুঙ্গমভ্রং লিহাগ্রাঃ।
প্রাসাদাস্ত্বাৎ তুলয়িতুমলং যত্র তৈস্তৈর্বিশেষৈঃ।।
উৎসঃ :- মহাকবিকালিদাসস্য বিরচিতস্য মেঘদূতকাব্যস্য উত্তরমেঘাংশাৎ উৎকলিতঃ অয়ম্ শ্লোকঃ।
প্রসঙ্গঃ :- অত্র মেঘেন সহ অলকানর্গয্যাঃ সদৃশ্যম্ দৃশ্যতে কবিনা।
সঞ্জীবনী টীকা ব্যাখ্যা:- অস্য শ্লোকস্য সঞ্জীবনী টীকা ব্যাখ্যা যথা যত্র অলকায়াং ললিতবনিতাঃ রম্যাঃ স্ত্রিয়ঃ সন্তি, তস্যাম্ অলকানগর্য্যাং সচিত্রাঃ চিত্রবিশিষ্টাঃ সঙ্গীতায় তৌর্যত্রিকায় প্রহতমুরজাঃ তাড়িতমৃদঙ্গঃ মণিময়ভুবঃ মনিবিকারাঃ যেষু অভ্রং লিহাগ্রাঃ গগনস্থার্পিনঃ অতিতুঙ্গাঃ প্রসাদাঃ দেবগৃহানি। সেন্দ্রচাপম্ ইন্দ্রচাপবন্তং বিদ্যুৎবন্তং সৌদামিণীসহিতং স্নিগ্ধগম্ভীরঘোষং মধুরগম্ভীরগর্জিতম্ অন্তস্তোয়ম্ অন্তর্গতজলং তুঙ্গম্ উন্নতং ত্বাং মেঘং তৈঃ তৈঃ বিশেষৈঃ ললিতবনিতাত্বাদিধমৈঃ তুলয়িতুং সমীকর্তুম্ অলং পর্যাপ্তাঃ।
তাৎপর্য্যম্ সরলার্থঃ বা:- অস্য শ্লোকস্য তাৎপর্য্যম্ যথা অস্মাৎ শ্লোকাৎ অলকাবর্ণনা আরব্ধা। আদৌ প্রাসাদানাম্ মেঘসাম্যম্। উপপাদয়তি। অলকায়াম্ অপরূপাঃ অঙ্গনাঃ দেহপ্রভয়া সৌদামিনীঃ স্পর্ধন্তে। গৃহস্য অভ্যন্তরেষু বিবিধচিত্রানি ইন্দ্রধনুঃ প্রতিমানি। গৃহেষু গীতবাদ্যানি মেঘগর্জনসদৃশানি। মলিনিবদ্ধাঃ কুট্টিমভূময়ঃ মেঘান্তর্বর্তিস্বচ্ছসলিলসদৃশাঃ। গৃহানি মেঘোন্নতানি এব।
ছন্দঃ অলংকারাঃ চ:- অস্মিন্ শ্লোকে মন্দাক্রান্তা ছন্দঃ পূর্ণোপমা যথাসংখ্যম্ অনুপ্রাসঃ চ অলংকারাঃ বিদ্যন্তে।
মেঘদূত কাব্য হতে সংস্কৃত ব্যাখ্যা-৩
৩)ভর্তুমিত্রং প্রিয়মবিধবে বিদ্ধি মামম্বুহং
তৎসন্দেশৈর্হৃদয়নিহিতৈরাগতং ত্বৎসমীপম্।
যো বৃন্দানি ত্বয়য়তি পথি শ্রান্যতাং প্রোষিতানাং
মন্দ্রস্নিগ্ধৈর্ধ্বনিভিরবলাবেনিমোক্ষোৎসুকানি।
উৎসঃ :- মহাকবিকালিদাসবিরচিতস্য মেঘদূতকাব্যস্য উত্তরমেঘাংশাৎ উৎকলিতঃ অয়ং শ্লোকঃ।
প্রসঙ্গঃ :- যক্ষবধূম্ নিকষা মেঘঃ স্বস্য পরিচয়ম্ যচ্ছতি অস্মিন্ শ্লোকে।
সঞ্জীবনী টীকাব্যাখ্যা:- অস্য শ্লোকস্য সঞ্জীবনী টীকা ব্যাখ্যা যথা বিধবা গতভর্তৃকা ন ভবতীতি অবিধবা সভর্তৃকা; হে অবিধবে অনেন ভর্তৃজীবনসূচনাৎ অনিষ্টাগমশঙ্কাং বারয়তি। মাং ভর্তুঃ এব পত্যুঃ প্রিয়ং মিত্রং প্রিয়সুহৃদং তত্রাপি হৃদয়নিহিতৈঃ মনসি স্থাপিতৈঃ তৎসন্দেশৈঃ তস্য ভর্তুঃ সন্দেশৈঃ ত্বংসমীপম্ আগতং ভর্তৃসন্দেশকথনার্থম্ আগতম্ ইত্যর্থঃ। অম্বুবাহং মেঘং বিদ্ধি জানীহি। যঃ অম্বুবাহঃ অবলানাং স্ত্রীনাং বেনয়ঃ তাসাং মোক্ষে মোচনে উৎসুকানি পথি শ্রাম্যতাং শ্রান্তিম্ আপন্নানাং প্রোষিতানাং প্রবাসিনাং পান্থানাম্ ইত্যর্থঃ, বৃন্দানি সঙ্গাম্ মন্দ্রস্নিগ্ধৈঃ গম্ভীরশ্রাব্যৈঃ ধ্বনিভিঃ গর্জিতৈঃ করনৈঃ ত্বরয়তি পান্থোপকারিণো মে কিমু বক্তব্যং সুহৃদুপকারিত্বম্ ইতি ভাবঃ।
তাৎপর্য্যম্ সরলার্থঃ বা:- অস্য শ্লোকস্য তাৎপর্য্যম্ যথা- অয়ি সাধ্বে জীবৎভর্তৃকে, অহং তব ভর্তুঃ হৃদয়ঙ্গমঃ সখা জীমৃতঃ। তস্য সকাশাৎ কঞ্চিৎ সন্দেশম্ আদায় ত্বাম্ আশ্বসয়িতুম্ ইহ প্রাপ্তঃ। ন কেবলম্ গতানাম্ তদ্ধিধানাম্ বিরহিনীণাম্ পরিসান্ত্বনম্ এব মে ব্রতম্ কিন্তু অহম্ প্রবাসম্ গতানাম্ খিন্নানাম্ পুরুষাণাম্ চিত্তম্ সপত্নীনাম্ বেনী সংহারায় মদীয়েন ধীরগর্জিতেন ত্বরয়ং তান্ দয়িতজনসঙ্গমম্ অপি লম্ভয়ামি।
ছন্দঃ চ অলংকারঃ চ:- অস্মিন্ শ্লোকে মন্দাক্রান্তা ছন্দঃ পরিকরঃ অলংকারঃ চ বিদ্যতে।
মেঘদূত কাব্য হতে সংস্কৃত ব্যাখ্যা-৪
৪) তাং জানীথাঃ পরিমিতকথাং জীবিতং মে দ্বিতীয়ং
দূরীভূতে ময়ি সহচরে চক্রবাকীমিবৈকাম্।
গাঢ়োৎকন্ঠাং গুরুষু দিবসেষেষু গচ্ছৎসু বালাং
জাতাং মন্যে শিশির মথিতাং পদ্মিনীং বান্যরূপাম্।।
উৎসঃ :- মহাকবিকালিদাসবিরচিতস্য মেঘদূতকাব্যস্য উত্তরমেঘাংশাৎ উৎকলিতঃ অয়ম্ শ্লোকঃ।
প্রসঙ্গঃ :- অত্র যক্ষঃ মেঘম্ নিকষা যক্ষবধ্বাঃ রূপম্ বর্ণয়তি।
সঞ্জীবনী টীকাব্যাখ্যা:- অস্য শ্লোকস্য সঞ্জীবনী টীকাব্যাখ্যা যথা ময়ি দূরীভূতে দূরস্থিতে সতি। সহচরে চক্রবাকে দূরীভূতে সতিচক্রবাকীং চক্রবাকবধূম্ ইব। পরিমিতকথাং পরিমিতবাচম্ মিতভাষিণীম্। একাম্ একাকিনীং স্থিতাং তাম্ অন্তর্ভবনগতাং মে দ্বিতীয়ং জীবিতম্ জানীথাঃ। গাঢ়োৎকন্ঠাং প্রবলবিরহবেদনাম্, বালাং গুরুষুবিরহমৎসু এষু বর্তমানেষু দিবসেষু গচ্ছৎসু সৎসু শিশিরেন শিশিরকালেন মথিতাং পদ্মিনীং বা পদ্মিনীমিব। অন্যরূপাং পূর্ববিপরীতাকারাং জাতাং মন্যে।
তাৎপর্য্যম্ সরলার্থঃ বা :- অস্য শ্লোকস্য তাৎপর্য্যম্ যথা- সমুপস্থিতায়াম্ রজন্যাম্ শাপাৎ চক্রাহ্বে দূরম্ গতে। যথা একাকিনী চক্রবাকী বিরহদীনাং তিষ্ঠেৎ, তথা ধনপতিশাপাৎ প্রব্রজিতে ময়ি বিরহব্যথিতা স্তোকবাদিনী পূর্বোক্তরূপা যা স্ত্রী তত্র গৃহে দৃশ্যেত সা এব মে প্রিয়পত্নী দ্বিতীয়ম্ হৃদয়ম্ ইব ইতি ত্বয়া জ্ঞাতব্যম্। অথবা তস্যাঃ রূপবিপর্য্যয়ম্ সম্ভাবয়ামি খলু। মম বিরহাৎ দীর্ঘায়মানৈঃ ইব এভিঃ দিবসৈঃ সা নূনম্ শোককর্শিতা হৈমম্ উপরূগম্ বিভ্রতী মৃণালিনী ইব রূপান্তরম্ প্রাপিতা নূনম্।
ছন্দঃ চ অলংকারঃ চ:- অস্মিন্ শ্লোকে মন্দ্রাক্রান্তা ছন্দঃ অতিশয়োক্তিঃ পূর্ণোপমা শ্রৌতী উপমা চ অলংকারঃ বিদ্যন্তে।
মেঘদূত কাব্য হতে সংস্কৃত ব্যাখ্যা-৫
৫) ধূমজ্যোতিঃ সলিলমরুতাং সন্নিপাতঃ ক্ব মেঘঃ
সন্দেশার্থাঃ ক্ব পটুকরনৈঃ প্রাণিভিঃ প্রাপনীয়াঃ
ইত্যৌৎসুক্যাদপরিগণয়ন্ গুহ্যকস্তং যযাচে।
কামার্তা হি প্রকৃতিকৃপনাচেতনাচেতনেষু।।
উৎসঃ :- মহাকবিকালিদাসস্য বিরচিতস্য মেঘদূতকাব্যস্যপূর্বমেঘং শাৎ উৎকলিতঃ অয়ম্ শ্লোকঃ।
প্রসঙ্গঃ :- যক্ষঃ মেঘম্ দৃষ্ট্বা স্বকুশলময়ীম্ বার্তাম্ প্রিয়াম্ নিকষা প্রেরয়িতুম্ ইচ্ছতি স্ম। কথম্ অচেতনম্ মেঘম্ দূতরূপেন নিযুক্তবান্ ইতি আহ ধূমেতি।
সঞ্জীবনী টীকা:- অস্য শ্লোকস্য সঞ্জীবনী টীকাব্যাখ্যা যথা ধূমশ্চ জ্যোতিশ্চ সলিলং চ মরুদ্বায়ুশ্চ তেষাং সন্নিপাতঃ সংঘাতো মেঘঃ ক্ব। অচেতনত্বাৎ সংদেশানর্হ ইত্যর্থঃ। পটুকরনৈঃ সমর্থেন্দ্রিয়ৈঃ। প্রাণিভিঃ চেতনৈঃ। প্রাপনীয়াঃ প্রাপয়িতব্যাঃ। সংদিশ্যন্তে ইতি সংদেশান্তে এবার্থাঃ ক্ব। ইতি এবম্ ঔৎসুক্যাৎ ইষ্ঠার্থোদ্যুক্তত্বাৎ। অপরিগণয়ন্ অবিচারয়ন্ গুহ্যকঃ যক্ষঃ তং মেঘং যযাচে যাচিতবান্। তথা হি কামার্তাঃ মদনাতুরাঃ চেতনাশ্চাচেতনাশ্চ তেষু বিষয়ে প্রকৃতিকৃপণাঃ স্বভাবদীনাঃ।
তাৎপর্য্যম্ সরলার্থঃ বা :- অস্য শ্লোকস্য তাৎপর্য্যম্ যথা- তাপসংযোগাৎ জলানি বাষ্পরূপেন পরিণতানি বায়ুনা উহ্যমানানি ধূমাদিসহকৃতানি মেঘরূপতাম্ আপদ্যন্তে। ইত্থম্ জড়স্য পরিণামঃ স্বয়ম্ অচেতনঃ ইন্দ্রিয়ৈঃ হীনঃ জলদঃ আবিহতেন্দ্রিয়শক্তেঃ চেতনস্য প্রানিনঃ সাধ্যম্ দৌত্যম্ কথম্ সম্পাদয়েৎ ইতি চিন্তা তস্য যক্ষস্য হৃদয়ে ন আগচ্ছতি স্ম। যতঃ সঃ উৎকন্ঠমানঃ জড়াজড়বিবেকম্ কর্তুম্ সর্বথা অসমর্থঃ এব ভবতি স্ম। লোকে চ দৃশ্যতে কামসন্তপ্তাঃ দৈন্যম্ ভজন্তঃ যুক্তিবিবেকহীনাঃ প্রায়েন ভবন্তি ইতি।
ছন্দঃ অলংকারঃ চ:- অস্মিন্ শ্লোকে মন্দাক্রান্তা ছন্দঃ, বিষমঃ অর্থান্তরন্যাসঃ সংকরঃ চ অলংকারঃ চ বিদ্যন্তে।
মেঘদূত কাব্য হতে সংস্কৃত ব্যাখ্যা-৬
৬) বক্রঃ পন্থা যদপি ভবতঃ প্রস্থিতস্যোত্তরাশাং
সৌধোৎসঙ্গপ্রণয়বিমুখো মা স্ম ভূরুজ্জয়িন্যাঃ
বিদ্যুদ্দামস্ফুরিতচকিতৈস্তত্র পৌরাঙ্গনানাং
লোলাপাঙ্গৈর্যদি ন রমসে লোচনৈর্বঞ্চিতোঅসি।।
উৎসঃ :- মহাকবিকালিদাসবিরচিতস্য মেঘদূতকাব্যস্য পূর্বমেঘাংশাৎ উৎকলিতঃ অয়ম্ শ্লোকঃ।
প্রসঙ্গঃ :- মেঘস্য পন্থাঃ বক্রঃ অপি সঃ কিম্ কিম্ করিষ্যতি ইতি অস্মিন্ প্রসঙ্গে যক্ষঃ মেঘম্ এবম্ উক্তবান্ যৎ বক্রঃ ইতি।
সঞ্জীবনী টীকাব্যাখ্যা:- অস্য শ্লোকস্য সঞ্জীবনী টীকাব্যাখ্যা যথা বক্র ইতি উত্তরাশাম্ উদীচীং দিশং প্রতি প্রস্থিতস্য ভবতঃ পন্থাঃ উজ্জয়িনীমার্গঃ বক্রো যদপি দূরো যদ্যপি ইত্যর্থঃ। তথাপি উজ্জয়িন্যাঃ বিশালনগরস্য সৌধানাম্ উৎসঙ্গেষু প্রণয়ঃ পরিচয়ঃ, তস্য বিমুখঃ পরাঙ্ মুখো মাস্ম ভূঃ ন ভব ইত্যর্থঃ। তত্র উজ্জয়িন্যাং বিদ্যুদ্দাম্নাং বিদ্যুল্লতানাং স্ফুরিতেভ্যঃ স্ফুরন্যেভ্যঃ চকিতৈঃ ভীতৈঃ লোলাপাঙ্গৈঃ চঞ্চলকটাক্ষৈঃ পৌরাঙ্গনানাং লোচনৈঃ ন রমসে যদি তর্হি ত্বং বঞ্চিতঃ প্রতারিতঃ অসি, জন্মবৈফল্যং ভবেৎ ইত্যর্থঃ।
তাৎপর্য্যম্ সরলার্থঃ বা :- অস্য শ্লোকস্য তাৎপর্য্যম্ যথা নীচৈঃসংজ্ঞম্ অদ্রিম্ পরিত্যজ্য কৈলাসদিশি গচ্ছতঃ জনস্য বামে ভাগে অবন্তীরাজধানী উচ্চয়িনী বর্ত্ততে, ন তু বর্ত্মণি সম্পততি। উজ্জয়িনীদর্শনকামেন তেন কিঞ্চিৎ পরাবৃত্য প্রতীচ্যাং দিশি গন্তব্যম্। তথাকরনে মার্গাধিক্যলত্থনম্ কালহরনম্ চ সম্ভবেৎ অস্তু তাবৎ হে জলদ কার্যাতিপাতশঙ্কা। ত্বয়া উজ্জয়িনীপ্রদর্শনম্ ন মনসা অপি পরিহর্তব্যম্। অতঃ কিঞ্চিৎবক্রেন অপি মার্গে গচ্ছন্ ত্রিলোকীপ্রথিতায়াঃ তস্যাঃ সোধেষু সমাসীনঃ পেলাস্ফুরনৈঃ সন্ত্রস্তানি চঞ্চলানি চ অপ্সরঃ প্রতিরূপানাম্ তত্রত্যানাম্ নারীনাম্ মনোহরাণি নয়নানি বিলোকয়ন্ চক্ষুঃ সাফল্যম্ বিধেহি। অন্যথা ব্যর্থঃ ইব তে জন্মলাভঃ ভবিষ্যতি।
ছন্দঃ অলংকারঃ চ:- অস্মিন্ শ্লোকে মন্দাক্রান্তা ছন্দঃ কাব্যলিঙ্গালংকারঃ চ বিদ্যতে।
*
