ভারবির কিরাতার্জুনীয়ম্ মহাকাব্যের প্রথম সর্গ হতে সংস্কৃত বাখ্যা-1

ভারবির কিরাতার্জুনীয়ম্ মহাকাব্যের প্রথম সর্গ হতে বাখ্যা-1। ভারবির কিরাতার্জুনীয়ম্ মহাকাব‍্যের বনেচরাগমন হতে সংস্কৃত বাখ্যা দেওয়া হল ।

কিরাতার্জুনীয়ম্ মহাকাব্যের প্রথম সর্গ হতে সংস্কৃত বাখ্যা-1

“ক্রিয়াসুযুক্তৈর্নৃপচারচক্ষুষো
ন বঞ্চনীয়াঃ প্রভবোঅনুজীবিভিঃ।
অতোঅর্হসি ক্ষন্তমসাধু সাধু বা
হিতং মনোহারি চ দুর্লভং বচঃ।।”

কিরাতার্জুনীয়ম্

উৎসঃ :-

মহাকবিঃ ভারবিঃ প্রনীতস‍্য কিরাতার্জুনীয়ম্ নাম মহাকাব‍্যস‍্য বনেচরাগমনং নাম প্রথমসর্গাৎ গৃহীতোঅয়ং শ্লোকঃ।

প্রসঙ্গঃ :-

দুর্যোধনেন কপটদ‍্যূতেন রাজ‍্যচ‍্যুতো দ্বৈতবনবাসী যুধিষ্ঠিরো দুর্যোধনস‍্য রাজ‍্যশাসনপদ্ধতিং বিজ্ঞাতুং কশ্চিদ্ বনেচরং চররূপেন নিযুক্তবান্। স চ চরো সর্বং যথাযথমবগম‍্য যুধিষ্ঠিরমুপগতঃ।
     তসৈব উক্তিমর্ধ‍্যে অন‍্যতমোঅয়ং শ্লোকঃ “ক্রিয়াসুযুক্তৈর্নৃপ…..”।

গদ‍্যান্বয়ঃ :-

(হে) নৃপ ক্রিয়াসু যুক্তৈঃ অনুজীবিভিঃ চারচক্ষুষঃ প্রভবঃ ন বঞ্চনীয়াঃ। অতঃ সাধু অসাধু বা ক্ষন্তুমর্হসি। হিতং মনোহরানি চ বচঃ দুর্লভম্।

প্রতিশব্দঃ :-

নৃপ (রাজন্) ক্রিয়াসু (কৃত‍্যবস্তুষু) যুক্তৈঃ (নিযুক্তৈঃ )অনুজীবিভিঃ (ভৃতৈঃ )চারচক্ষুষঃ (চরা এব চক্ষুঃ যেষাং তে চারচক্ষুষঃ )প্রভাবঃ (নিগ্রহানুগ্রহসামর্থাঃ স্বামিনঃ) ন বঞ্চনীয়াঃ (ন প্রতারনীয়াঃ)। অতঃ (অপ্রতার্যত্বাৎ হেতো )সাধু (প্রিয়ং )অসাধু (অপ্রিয়ম্) বা ক্ষন্তুর্মহসি (সোঢ়ুর্মহসি)। হিতং (পথ‍্যম্) মনোহারি (প্রিয়ং )চ বচঃ (বাক‍্যম্ )দুর্লভম্ (দুষ্প্রাপ্যম্)।

ভাবানুসারিনী বাখ্যা  

চারৈরেব রাজ‍্যগতং বৃত্তান্তং জানন্তি রাজানঃ। অতএব চারা নৃপানাং চক্ষুঃ স্বরূপঃ। তস্মাৎ রাজানশ্চারচক্ষুষ ইত‍্যুচ‍্যন্তে। অতশ্চারাপ্রচারঃ চক্ষুরপ্রচারবৎ রাজ্ঞাং বিপজ্জনকো ভবতি। রাজ‍্যশাসনরূপং দুরুহকার্যং সম্পাদিতুং নৃপাঃ অমার্ত‍্যাদীন কর্মচারিনো নিয়োজয়ন্তি। তৈশ্চ রাজানো ন কদাপি প্রতারনীয়াঃ। অতএব যুধিষ্ঠির  নিযুক্তস‍্য বনেচরস‍্য প্রভুনা সহ প্রতারনা ন যুক্তা। প্রিয়ং বা অপ্রিয়ং বা স‍্যাৎ সত‍্যমেব তেন বক্তব‍্যম্।  প্রভোর্মনোরঞ্জনার্থং মিথ‍্যাভাষনং সর্বথা বর্জনীয়ম্। প্রভোঃ ক্রোধদ্রেকভয়াৎ সত‍্যং ন গোপনীয়ত্বব‍্যম্ ইহ জগতি হিতকরং বাক‍্যং জীবনদায়কঃ কটুস্বাদযুক্ত ঔষধ ইব অপ্রিয়মেব ভবতি। হিতকরং প্রিয়ংবাক‍্যন্তু সু দুর্লভমেব। অতএব হিতকামিনা জনেন অপ্রিয়মপি হিতকরং বাক‍্যং কথনীয়ং শ্রোতব‍্যং চাত্মনো হিতকামিনা জনেন। বনেচরস‍্য বক্ষ‍্যোমানং হিতকরম্ অপ্রিয়ভাষনং যুধিষ্ঠিরেন ক্ষমাসুন্দরদৃশৈব গ্রহনীয়ম্। অপ্রীতিপ্রদা বার্তৈব বনেচরেণানীতা ইত‍্যেব তাৎপর্য‍্যম্।

শাস্ত‍্রায়বিচারঃ :-

নীতিশাস্ত্রে যথা উক্তঞ্চ-
“গাবঃ পশ‍্যন্তিগন্ধেন বেদৈঃ পশ‍্যন্তি পন্ডিতাঃ।
চারৈঃ পশ‍্যন্তি রাজানশ্চক্ষুর্ভ‍্যামিতরে জনাঃ।।”

অলংকারঃ :-

অত্র সামান‍্যেন বিশেষসমর্থনাদর্থান্তরন‍্যাসোঅলংকারঃ।
তল্লক্ষনং তু যথা সাহিত‍্যদর্পনে-

” সামান‍্যং বা বিশেষেন বিশেষস্তেন বা যদি।
কার্য‍্যং চ কারনেনেদং কার্যেন বা সমর্থ‍্যতে।
সাধ‍র্ম‍্যেনেঅরেনার্থান্তরন‍্যাসোঅষ্টধা অতঃ।”

ছন্দঃ :-

শ্লোকেঅস্মিন্ “বংশস্থবিলং’ ছন্দমিতি।

টিপ্পনীঃ :-

ক্রিয়াসু=কৃ+শ(ভাবে) স্ত্রিয়াং টাপ্।
যুক্তৈঃ=যুজ্+কর্মনি ক্ত,তৈঃ।

Leave a Comment