প্রবন্ধ রচনা সংস্কৃত শিক্ষায়াঃ প্রয়োজনীতা বা উপযোগিতা।
সংস্কৃত শিক্ষায়াঃ প্রয়োজনীতা বা উপযোগিতা – প্রবন্ধ রচনা
বিশ্বেঅস্মিন্ সর্বাসাং ভাষানাং সংস্কৃতভাষা অন্যতমা, ন কেবলমন্যতমা, অপি তু সর্বোত্তমা, মধুর ইত্যত্র নাস্তি সন্দেহাবসরঃ, মাধুর্যত্বাদিয়ং ভাষা দেবভাষা ইত্যভিধয়া পরিচীয়তে, সুপ্রাচীনকালাদারভ্য সাম্প্রতিককাল পর্যন্তম্ অনয়া ভাষয়া পর্যাপ্তমুৎকৃষ্টঞ্চ সাহিত্যং রচিতং রচ্যতে রচিষ্যতে বা। সংস্কৃত ভাষাং সাহিত্যঞ্চ ঋতে ভারতীয় সংস্কৃতিঃ শূণ্যগর্ভা নিরর্থকা চেতি প্রতিভাতি। তদুচ্যতে-
” স ভারতীয়ো ন চ ভারতীয়ো
যঃ সংস্কৃত বেত্তি ন শিক্ষিতোঅপি।
ন সাক্ষরঃ সোঅপি ন সাক্ষরো য
যোঅতীতবিদ্যোঅপি ন বেত্তি সংস্কৃতম্।।”
বস্তুতঃ সংস্কৃতম্ অজানন্ অধীতবিদ্যো জনঃ কদাপি শিক্ষিত ইতি কথয়িতুং ন শক্যতে। বিশেষতস্থ ভারতীয়ানাং কৃতে সংস্কৃত ভাষা তেষাং জীবিতং বিদধাতি ইতি কে তাবদ্ অস্বীকুর্বন্তি। অস্যাঃ ভাষায়াঃ জ্ঞানং বিনা ভারতীয় সংস্কৃতৌ জ্ঞানার্জনম্ অসম্ভবেব। সর্বাসাং বিদ্যানাম্ ইয়ং খলু মাতৃস্বরূপা প্রাচীন ভারতীয়েতিহাসস্য, দর্শনস্য,বিজ্ঞানস্য, সমাজশাস্ত্রস্য,চিকিৎসাশাস্ত্রা দীনাঞ্চ মূলমন্ত্র নিহিতমস্তি। স্বসংস্কৃতিমজানন্ ন কোঅপি জনঃ শিক্ষিত ইত্যাথ্যাং লক্বুং সমর্থো ভবতি। অতঃ ভারতীয় সংস্কৃতেঃ সম্যক জ্ঞানায় সংস্কৃত শিক্ষায়া অস্তি মহতী ভূমিকা।
প্রায়েন সর্বাঃ খলু প্রাদেশিকভাষাঃ সংস্কৃতভাষাতঃ সঞ্জাতাঃ। অতঃ প্রাদেশিকভাষাসু ব্যুৎপত্তিলাভার্থ্যং সংস্কৃত শিক্ষায়া আবশ্যকত্বম্ অনস্বীকার্যম্। মাতৃভাষাসু নৈপুণ্যার্জনায় ভারতীয়ৈঃ সংস্কৃতভাষা-
যত্নতঃ শিক্ষণীয়া ইত্যেষো বিষয়ো নির্বিবাদ এব। সংস্কৃতভাষাজ্ঞানমৃতে প্রাদেশিকভাষাসু ব্যুৎপত্তি লাভো ন কদাপি সুকরো ভবতি।
সম্প্রতি আয়ুর্বেদীয় চিকিৎসাপদ্ধতৌ জননামনুরাগঃ সঞ্জাতঃ। আয়ুর্বেদশাস্ত্রস্য চর্চা বাহুলেন ভবতি সর্বত্র। ভারতবর্ষে বহির্ভারতেঅপি চ তস্য শাস্ত্রস্য চিকিৎসাপদ্ধত্যাঃ ভূরিপ্রচারঃ প্রয়োগশ্চ পরিলক্ষ্যতে। আয়ুর্বেদশাস্ত্রমপি সংস্কৃতভাষায়া বিরচিতম্। চরক- সুশুতা দীনাং গ্রন্থেষু রোগানাং বিবরণং কারণং বিধানাদিকঞ্চ সংস্কৃত ভাষয়া বিবৃতম্। অতঃ সংস্কৃতজ্ঞানাং বিনা অস্য শাস্ত্রস্য অর্থোদ্বারঃ অসম্ভব এব।
সাম্প্রতিকে কালে ভারতবর্ষে প্রাদেশিকতাবাদ, বিচ্ছিন্নবাদ প্রভৃতীনাং প্রাদুর্ভাবঃ সঞ্জাতঃ ভিন্নানাং ভাষানাং কৃতে ভিন্নভিন্ন প্রদেশগঠনাত্মকঃ প্রয়াসঃ ক্রিয়তে জনৈঃ। স্বাধীনরাজ্যানাং কৃতে আনদোলনাদিকঞ্চ ক্রিয়তে। অনেন প্রয়াসেন ভারতবর্ষস্য ঐক্যং বিঘ্নিতং ভবতি। যদি সংস্কৃতভাষায়াঃ পঠনপাঠনাদিকং ক্রিয়তে বাহুল্যেন, তর্হি প্রাদেশিকতাবাদাদীনাং মারকরোগানামুপশমো ভবিষ্যতীতি নিঃসংশয়েন বক্তুং শক্যতে। ভাষানাং বেশভূষাদীনাং বৈবিধ্যাদপি বয়ংসর্বে ভারতীয়াঃ ইতি এষঃ বোধঃ দূঢ়ীভবিষ্যতি সংস্কৃতভাষয়া। সংস্কৃত এব ভারতীয়ত্ববোধঃ দৃঢ়তয়া প্রচারিত-
” উত্তরং যৎ সমুদ্রস্য হিমাদ্রেশ্চৈবদক্ষিণম্।
বর্ষং তদ্ ভারতং নাম ভারতী যত্র সন্ততি।।”
অতো যদ্যপি ভারতীয়ঃ জনঃ অন্যাসু বিদাসু নিষ্ণাতঃ তথাপি সংস্কৃত ভাষায়া সংস্কৃত সাহিত্যস্য চ জ্ঞানং বিনা তস্য শিক্ষা পরম্ অসম্পূর্ণা-
” ন পূর্ণতামেতি নরস্য জীবিতং
শিক্ষাং বিনা রত্নমিবা পরীক্ষিতম্।
শিক্ষাঅপ্যপূর্ণা পুরুষস্য তাবদ্
যোঅধিতবিদ্যোঅপি ন বেত্তি সংস্কৃতম্।।”
