আত্মবোধপ্রকরণ: সংস্কৃত ব্যাখ্যা

আত্মবোধপ্রকরণ হতে সংস্কৃত ব্যাখ্যাগুলি নিম্নে দেওয়া হল।

আত্মবোধপ্রকরণ হতে সংস্কৃত ব্যাখ্যা


আত্মবোধপ্রকরণ হতে সংস্কৃত ব্যাখ্যা-1

১) বোধোঅন‍্যসাধনেভ‍্যো হি সাক্ষান্মোক্ষৈকসাধনম্।
পাকস‍্য বহ্নিবজ্ জ্ঞানং বিনা মেক্ষো ন সিদ্ধতি।।

উৎস:- অয়ম্ শ্লোকঃ শঙ্করাচার্য‍্যস‍্য বিরচিতস‍্য আত্মবোধপ্রকরণম্ ইতি গ্রন্থমধ‍্যে বিদ‍্যতে।

প্রসঙ্গ:- ননু তপোযোগমন্ত্রকর্মযাগাদ‍্যনেকসাধনেষু সৎসু মোক্ষম্ প্রতিবোধঃ এব কিম্ ইতি প্রাধান‍্যেন উচ‍্যতে ইতি অতঃ আহ বোধোঅন‍্যসাধনেভ‍্যো ইতি।

তাৎপর্য:- তপোযোগমন্ত্রকর্মযাগাদীনি সাধনানি পরম্পরাক্রমেন জ্ঞানদ্বারা মোক্ষম্ সাধয়ন্তি, জ্ঞানম্ তু স্বজন্মমাত্রাৎ এব অজ্ঞানম্ নিঃশেষম্ নাশয়িত্বা মুমুক্ষুম্ স্বারাজ‍্যে অভিষেচয়তি, অতঃ অন‍্যসাধনেভ‍্যঃ জ্ঞানস‍্য প্রাধান‍্যম্ উক্তম্। তৎ এব দৃষ্টান্তেন দ্রঢয়তি – পাকস‍্য ইতি। যথা লোকে পচনক্রিয়া কাষ্ঠজলভান্ডাদিসাধনেষু সৎসু অপি বহ্নিম্ বিনা ন সিধ‍্যতি, তদ্বৎ জ্ঞানম্ বিনা মোক্ষঃ ন সিধ‍্যতি। যথা বহ্নি এব রন্ধনস‍্য মুখ‍্যম্ সাধনম্, কাষ্ঠাদীনি তু গৌনানি সাধনানি। তথা এব সৎসু অপি কর্মোপাসনাভক্তিপ্রভৃতিষু সাধনেষু জ্ঞানম্ বিনা মোক্ষঃ ন সিধ‍্যতি। অতঃ জ্ঞানম্ এব মোক্ষস‍্য প্রধানম্। কর্মোপাসনাদীনি সাধনানি তু অপ্রধানানি। অয়ম্ এব অস‍্য শ্লোকস‍্য বিবক্ষিতঃ অর্থঃ ইতি শিবম্।


আত্মবোধপ্রকরণ হতে সংস্কৃত ব্যাখ্যা-2

২ ) অবিরোধিতয়া কর্ম নাবিদ‍্যাৎ বিনিবর্ত্তয়েৎ।
বিদ‍্যাঅবিদ‍্যাং নিহন্ত‍্যেব তেজস্তিমিরসং যবৎ।।

উৎসঃ :- অয়ম্ শ্লোকঃ শঙ্করাচার্য‍্যস‍্য বিরচিতস‍্য আত্মবোধপ্রকরণম্ ইতি গ্রন্থমধ‍্যে বিদ‍্যতে।

প্রসঙ্গঃ :- ননু কর্মণাম্ বিচিত্রশক্তিত্বাৎ কর্ম এব  অজ্ঞানম্ নাশ‍য়িষ‍্যতি কিম্ আত্মজ্ঞানেন ইতি আশংক‍্য আহ – অবিরোধিতয়া ইতি।

তাৎপর্য‍্যম্ :- মীমাংসকাঃ এবম্ মন‍্যন্তে গ্রামাদি পার্থিববিষয়প্রদম্ যাগাদিকম্ কর্ম যদ‍্যপি বন্ধনকারণম্ ভবতি। তথাপি ঐহিকগ্রামাদিবিষয়কামনাবর্জিতম্ নিরভসন্ধিঃ অগ্নিহোত্রাদিযাগাদিকম্ কর্ম বন্ধননাশকরম্ ভবতি। অতঃ শক্তিবৈচিত্র‍্যবশাৎ কর্ম এব বন্ধনস‍্য নাশকম্ ভবেৎ ইতি কিমু বক্তব‍্যম্। কিন্তু তৎ ন এব সমীচীনম্ ইতি মন‍্যমানাঃ আচার্য‍্যবর্য‍্যাঃ শঙ্করভগবৎপাদাঃ এবম্ বদন্তি যৎ জন্ম এব জীবানাম্ দুঃখকারণম্। কর্ম এব চ জন্মান্তরীণম্। জন্মনঃ করণম্। সুকৃতদুষ্কৃতকর্মণোঃ চ করণম্ আত্মবিষকম্ অজ্ঞানম্। অতঃ যাবৎ অজ্ঞানস‍্য সমূলম্ উচ্ছেদঃ ন ভবতি, তাব‍ৎ ন এব দুঃখানাম্ একান্তাত‍্যন্তোচ্ছেদঃ ভবতি। আত্মবিষয়কাজ্ঞানস‍্য চ উচ্ছেদঃ তদ্বিরোধিনা আত্মজ্ঞানেন এব সম্পদ‍্যতে ন অন‍্যথা ইতি বক্তব‍্যম্। যথা – আলোকঃ বিরোধিতয়া সম্পাদি এব অন্ধকারম্ নাশয়তি। তথা এব আত্মজ্ঞানম্ সমুদীয়মানম্ বিরোধিতয়া ত‍ৎক্ষণাৎ এব অজ্ঞানম্ নিবর্ত্তয়তি। তত্র বেদান্তবাক‍্যশ্রকামনননিধিধ‍্যাসনজন‍্যবিশুদ্ধান্তঃ করনবৃত্তিপ্রতিবিম্বিতপ্রত‍্যগাতমচৈতন‍্যাভিব‍্যক্তিঃ এব আত্মবিদ‍্যাশব্দেন বুধ‍্যতে। অতঃ জ্ঞানম্ এব মোক্ষসাধনম্, ন তু কর্ম ইতি আচার্য‍্যকৃতস‍্য প্রকৃতশ্লোকস‍্য তাৎপর্য্যম্ ইতি শিবম্।


আত্মবোধপ্রকরণ হতে সংস্কৃত ব্যাখ্যা-3

৩) যথাকাশো হৃষীকেশো নানোপাধিগতো বিভুঃ।
তদ্ভোদাদ্ভিন্নবদ্ভাতি তন্নাশে কেবলো ভবেৎ।।

উৎসঃ :- অয়ং শ্লোকঃ শঙ্করাচার্যস‍্য বিরচিতস‍্য আত্মবোধপ্রকরণম্ ইতি গ্রন্থমধ‍্যে বিদ‍্যতে।

প্রসঙ্গঃ :- আত্মা এব অখন্ডঃ অদ্বিতীয়ঃ এব ইতি অত্র দৃষ্টান্তেন দ্রঢয়তি যথাকাশঃ ইতি।

তাৎপর্য‍্যম্:- হৃষীকেশঃ মনঃ প্রভৃতিসর্বেন্দ্রিয়প্রবর্তকঃ নিয়ামকঃ বা বিভুঃ সর্বগতঃ পরমেশ্বরঃ স্বমায়াকল্পিতনানাবিধোপাধিষু প্রতিবিম্বিতঃ সন্ নানা এব ভাতি। তন্নাশে সতি ব্রহ্মাত্মৈক‍্যজ্ঞানেন তেষাম্ মায়াপরিকল্পিতানাম্ নাশাৎ কেবল এব ভাতি। যথাকাশঃ নানা উপাধিবশাৎ নানা এব ভাতি উপাধিলয়াৎ একঃ এব ভাতি তদ্বৎ ইতি শিবম্।


আত্মবোধপ্রকরণ হতে সংস্কৃত ব্যাখ্যা-4

৪) সংসারঃ স্বপ্নতুল‍্যো হি রাগদ্বেষাদিসংকুলঃ।
স্বকালে সত‍্যবদ্ভাতি ফ্রবোধে সত‍্যসন্ ভবেৎ।।

উৎসঃ :- অয়ম্ শ্লোকঃ শঙ্করাচার্য‍্যস‍্য বিরচিতস‍্য আত্মবোধপ্রকরণম্ ইতি গ্রন্থমধ‍্যে বিদ‍্যতে।

প্রসঙ্গঃ :- ননু অপরোক্ষতয়া অনুভূয়মানস‍্য সংসারস‍্য কথম্ অত‍্যন্তাসত্ত্বম্ প্রত‍্যক্ষবিরুদ্ধম্ ইতি আশংক‍্য স্বপ্নদৃষ্টান্তেন তস‍্য মিথ‍্যাত্বম্ সাধয়তি- সংসারঃ ইতি।

তাৎপর্য‍্যম্:- রাগদ্বেষাদিভিঃ সংসারঃ সংকুলায়মানঃ, স্বকালে স্বস‍্য কারনভূতাজ্ঞানে স্থিতে সতি তাবন্মিথ‍্যাভূতঃ অপি সংসারঃ সন্ এব অবভাতি, প্রবোধে সতি বাক‍্যার্থশ্রবণাৎ আত্মজ্ঞানোৎপত্তৌ অসন্ এব ভবতি। অত্র দৃষ্টান্ত স্বপ্নতুল‍্যঃ ইতি। স্বপ্নঃ অপি যাবৎ নিদ্রানুভূয়তে তাব‍ৎ মিথ‍্যাভূতঃ অপি স‍ত‍্যম্ ইব ভাতি, প্রবোধে নিদ্রানাশে সতি স্বপ্নঃ মিথ‍্যা ভবতি, তদ্বৎ সংসারঃ ইতি। অত্র সিদ্ধান্তিনঃ বক্তব‍্যম্- জগতঃ খলু ব‍্যবহারিকম্ এব প্রামাণ‍্যম্, ন পুনঃ তাত্ত্বিকম্ প্রামাণ‍্যম্। অতঃ ব‍্যবহারিকদৃর্ষ্ট‍্যা জগৎ সত‍্যম্ ভবেৎ। পারমার্থিকদৃষ্ট‍্যা তু তৎ মিথ‍্যা ইতি আচার্য‍্যশঙ্করভগবৎ পাদানম্ মতম্। কিঞ্চন্ কেবলম্ দৃশ‍্যত্বহেতুনা, অপি তু জড়ত্বহেলা অনিত‍্যত্ব হেতুনা চ স্বপ্নবৎ জগতঃ মিথ‍্যাত্বম্ অবগন্তব‍্যম্। অতএব উক্তম্ অদ্বৈতসিদ্ধৌ মধুসূদন সরস্বতী চরণৈঃ জগন্মিথ‍্যা দৃশ‍্যত্বাৎ জড়ত্বাদনিত‍্যত্বাচ্চ স্বপ্নবৎ রজ্জুসর্পবচ্চ ইতি শিবম্।


আত্মবোধপ্রকরণ হতে সংস্কৃত ব্যাখ্যা-5

৫) তাবৎ সত‍্যং জগদ্ভাতি শুক্তিকারজতং যথা।
যাবন্ন জ্ঞায়তে ব্রহ্ম সর্বাধিষ্ঠানমদ্বয়ম্।।

উৎসঃ :- অয়ম্ শ্লোকঃ শঙ্করাচার্য‍্যস‍্য বিরচিতস‍্য আত্মবোধপ্রকরণম্ ইতি গ্রন্থমধ‍্যে বিদ‍্যতে।

প্রসঙ্গ:- জগন্মিথ‍্যাত্বম্ দৃষ্টান্তেন দ্রঢয়তি তাবৎ ইতি।

তাৎপর্য‍্যম্:- অত্র ব্রহ্মাদ্বৈতবাদিনঃ ভগবতঃ শঙ্করাচার্য‍্যস‍্য ইদম্ এব বক্তব‍্যম্ যৎ, পারমার্থিকদৃষ্ট‍্যা এব জগতঃ মিথ‍্যাত্বম্ ব‍্যাবহারিকদৃষ্ট‍্যা তু ন এব অস‍্য মিথ‍্যাত্বম্। অপি তু সত‍্যত্বম্ এব ইতি বেদিতব‍্যম্। তথাহি যাবৎ অধিষ্ঠানস‍্য অপরোক্ষজ্ঞানম্ ন ভবতি তাবৎ অধিষ্ঠানস‍্য অজ্ঞানবশাৎ হি ভ্রমে ভাসন্নানম্ বস্তু মিথ‍্যাভূতম্ অপি সত‍্যম্ এব প্রতিভাতি। তস্মাদ্ যথা শুক্তিকারজতভ্রমস্থলে  যাবৎকাল পর্যন্তং শুক্তিকাজ্ঞানম্ ন ভবতি। তাবৎ এব হি রজতজ্ঞানম্ ন এব কৈঃ চিৎ কথঞ্চিৎ অপি মিথ‍্যা ইতি বক্তুম্ শক‍্যতে। তথা এব পরমার্থভূতে ব্রহ্মণি জগতঃ অধ‍্যারোপাৎ অসতি ব্রহ্মণঃ স্বরূপবিজ্ঞানে জগতঃ সত‍্যতাবুদ্ধিঃ ন এব কথঙ্কারম্ অপি অপনীয়তে। ইহ খলু ব‍্যবহারকালে প্রত‍্যক্ষাদিপ্রমাণপ্রমেয়াদিব‍্যবহারং ন কোঅপি অপলপিতুম্ শক্নোতি। অতঃ হি প্রাক্ ব্রহ্মাত্মৈক‍্যবিজ্ঞাণাৎ দেহাদ‍্যাত্মত্ববুদ্ধিবৎ প্রত‍্যক্ষাদিপ্রমাণসিদ্ধস‍্য জগতঃ অনৃতত্ববুদ্ধিঃ ন কস‍্যচিৎ অপি উপপদ‍্যতে ইতি শিবম্।


Leave a Comment