স্বপ্নবাসবদত্তম্ প্রথম অঙ্ক হতে গুরুত্বপূর্ণ সংস্কৃত ব্যাখ্যা গুলি নিম্নে দেওয়া হল।
স্বপ্নবাসবদত্তম্ প্রথম অঙ্ক হতে সংস্কৃত ব্যাখ্যা-১
১) “পূর্বং ত্বয়াপ্যভিমতং গতমেবমাসী
চ্ছ্লাঘ্যং গমিষ্যসি পুনর্বিজয়েন ভর্তুঃ।
কালক্রমেন জগতঃ পরিবর্তমানা
চক্রারপঙক্তিরিব গচ্ছতি ভাগ্যপঙক্তি।।”
উৎস:- কবিকুলহাসেন ভাসেন বিরচিতস্য স্বপ্নবাসবদত্ত নাটকস্য প্রথমাঙ্কে সমুপলভ্যতে অয়ং শ্লোকঃ।
প্রসঙ্গ :- পদ্মাবত্যা আগমনেন তাপসাণামুৎসারণাকালে উৎসারিতাং বাসবদত্তাং ব্যথিতামপমানিতাঞ্চ আলোক্য তামেব প্রবোধয়িতুম্ অমাত্যস্য যৌগন্ধরায়ণস্য উক্তিরিয়ম্।
ব্যাখ্যা:- পূর্বং যদা বাসবদত্তা উদয়নস্য রাজ্ঞী আসীৎ তদা রক্ষিপুরুষা অনেনৈব প্রকারেণ তস্যাঃ গমনমার্গাৎ নাগরিকামুৎসারণং কৃতবন্তঃ। পুনরুদয়নেনহৃতরাজ্যে পুনরুদ্ধৃতে বাসবদত্তাপি পরিজনৈঃ সহ সগৌরবং গমনাগমনে সমর্থা ভবিষ্যতি। অয়মেব জাগতিকো নিয়মো যৎ মানবানাং জীবনং চক্রারপঙক্তিরিব নিরন্তরং পরিবর্তিতং ভবতি। মহাকবি কালিদাসেনাপি মেঘদূতে এতাদৃশো ভাবঃ প্রকটিতঃ –
” কস্যাত্যন্তং সুখমুপনতং দুঃখমেকান্ততো বা
নীটচর্গচ্ছত্যুপরি চ দশা চক্রণেমিক্রমেন।।”
অস্মিন্ শ্লোকে উপমা নাম অর্থালংকারঃ, বসন্ততিলকং চ বৃত্তম্ পরিদৃশ্যতে। তল্লক্ষণং তু – ‘ জ্ঞেয়ং বসন্ততিলকং তভজাজ গৌগঃ।
স্বপ্নবাসবদত্তম্ প্রথম অঙ্ক হতে সংস্কৃত ব্যাখ্যা-২
২) “সুখমর্থো ভবেদ্ দাতুং সুখং প্রাণঃ সুখং তপঃ।
সুখমন্যদ্ ভবেদ্ সর্বং দুঃখং ন্যাসস্য রক্ষণম্।।”
উৎস:- কবিকুল হাসেন ভাসেন বিরচিতস্য স্বপ্নবাসবদত্তনাটকস্য প্রথমাঙ্কে সমুপলভ্যতে অয়ং শ্লোকঃ।
প্রসঙ্গ :- মন্ত্রী যৌগন্ধরায়ণঃ পদ্মাবতী সমীপে বাসবদত্তায়াঃ ন্যাসরূপেনাবস্থানং প্রার্থয়ামাস। যৌগন্ধরায়ণস্য প্রার্থনামিমামাকর্ণ্য কাঞ্চুকীয়স্য উক্তিরিয়ম্।
ব্যাখ্যা:- মানব্য অনায়াসেন ধনং দাতুং প্রভবন্তি। পরোপকারায় তৈঃ প্রাণা অপি সুখেন দাতুং শক্যতে। কঠোর তপস্যায়াঃ ফলস্যাপি ত্যাগঃ কদাচিৎ সম্ভবতি। এবমেব প্রার্থিন প্রার্থনাপূরণায় দ্রব্যান্তরস্যাপি ত্যাগঃ আয়াসং বিনা সম্ভবতি। পরং গচ্ছিতস্য পরকীয়বস্তুনঃ রক্ষণং নিতরাং ক্লেশদায়কম্। অভঃ নির্দিষ্ট কালে প্রাপকস্য হস্তে ন্যস্তবস্তুনঃ প্রত্যর্পনমেব বিধেয়ম্। ধনং জীবনং তপশ্চ অক্লেশেন দাতুং ভবেৎ। কিন্তু ন্যাসস্য রক্ষণং ন সুসাধ্যম্। ইহ জগতি কালেন বিষয়মাত্রস্য পরিবর্তনং সম্ভবতি। অতঃ যথা লভ্যতে, তৎ তথা ন প্রতিপাদয়িতুং শক্যতে।
অত্র অর্থান্তরন্যাসালংকারঃ অনুষ্টুপ্ বৃত্তম্ চ পরিদৃশ্যতে।
স্বপ্নবাসবদত্তম্ প্রথম অঙ্ক হতে সংস্কৃত ব্যাখ্যা-৩
৩) ” দুঃখং ত্যক্তং বদ্ধমূলোঅনুরাগঃ
স্মৃত্বা স্মৃত্বা যাতি দুঃখং নবত্বম্।
যাত্রা ত্বেষা যদ্ বিমুচ্যেহ বাষ্পম্
প্রাপ্তানৃণ্যা যাতি বুদ্ধিঃ প্রসাদম্।।”
উৎস:- কবিকুলহাসেন ভাসেন বিরচিতস্য স্বপ্নবাসবদত্তনাটকস্য চতুর্থোঅঙ্কাৎ সমুপলভ্যতে অয়ং শ্লোকঃ।
প্রসঙ্গ :- উদয়নস্য বাসবদত্তাবিরহজনং দুঃখং অজানন্নেব বিদূষকেন যদা বাসবদত্তাস্মরিতা তদা স রাজা পুনঃ শোকাকুলোঅভবৎ। বিদূষকেন সান্ত্বনাদানকালে বাসবদত্তাং প্রতি বদ্ধমূলানুরাগো রাজা দুঃখং পরিহর্ত্তুম্ সমর্থমিতি আহ দুঃখমিতি।
ব্যাখ্যা:- বদ্ধমূলঃ বদ্ধং মূলং যেন স গভীরঃ প্রগাঢ় অনুরাগঃ বাসবদত্তা বিষয়ঃ, তৎ প্রেম ত্যক্তুৎ বিস্মর্তুং ক্লেশকরম্। স্মৃতা স্মৃত্বা পুনঃ পুনঃ বাসবদত্তাং সংস্মৃত্য মম দুঃখং নবত্ত্বং যাতি নূতনং ভবতি। এষা তু যাত্রা লোকাচারমর্যাদা যৎ বুদ্ধিঃ মনঃ ইহ লোকে বাষ্পম্ অশ্রু বিমুচ্য বিসৃজ্য প্রাপ্তানৃন্যা প্রাপ্তম্ আনৃণ্যং যয়া সা, ঋণস্য অভাবং প্রাপ্য, ঋণাৎ মুক্তিং লব্ধা ইত্যর্থঃ। অশ্রুপাতেন নির্যাতিতং প্রেম তথৈব চিত্তং নির্মলং করোতি যথা ঋনস্য নিষ্কৃতা চিত্তং নির্মলং কিঞ্চিৎ উচ্ছ্বসিতঞ্চ ভবতি।
অত্র শালিনীববৃত্তম্। তল্লক্ষণং যথা-
” মাত্তৌ গৌ চেচ্ছালিনী বেদলৌকেঃ।”
স্বপ্নবাসবদত্তম্ প্রথম অঙ্ক হতে সংস্কৃত ব্যাখ্যা-4
৪) প্রদ্বেষো বহুমাণো বা সংকল্পাদুপজায়তে।
ভর্তুদারাভিলাষিত্বাসস্যাং মে মহতী স্বতা।
উৎস:- কবিকুলহাসেন ভাসেন বিরচিতস্য স্বপ্নবাসবদত্ত নাটকস্য প্রথমাঙ্কে সমুপলভ্যতে অয়ং শ্লোকঃ।
প্রসঙ্গ :- তপোবনে সমুপস্থিতাং মগধরাজকন্যাং পদ্মাবতীমালোক্য তামাত্মীয়রূপেন চিন্তনস্য কারণমস্মিন্ শ্লোকে বিবৃতং যৌগন্ধরায়ণেন।
ব্যাখ্যা:- ধর্মপ্রিয়াং রাজনন্দিনীং পদ্মাবতীমালোক্য যৌগন্ধরায়ণেন মনসি বিপরীতং যৎ ইয়মেব পদ্মাবতী মহারাজস্য উদয়নস্য ধর্মপত্নী ভবিষ্যতীতি দৈবজ্ঞৈঃ সমুদঘোষিতম্। অতঃ পদ্মাবতীং প্রতি তস্য এতাদৃশী আত্মীয়তা সমুপজায়তে। বিদ্বেষসমাদয়স্তু জনানং মানসিক প্রবৃত্তয়ঃ। কস্মিন্নপি জনে মানবানামনুরাগো জায়তে। কস্মিন্ বা বিদ্বেষঃ। মানবানাং মনোব্যাপায়াদেব এতাদৃশো ভাবোদয়ো ভবতি। অনুরূপোক্তিঃ দৃশ্যতে শকুন্তলে- ‘কামীস্বতাং পশ্যতি।’
অত্র অর্থান্তরন্যাসঃ কাব্যলিঙ্গং চ অলঙ্কারঃ, অনুষ্টুপ্ বৃত্তম্ পরিদৃশ্যতে। তল্লক্ষং তু-
” পঞ্চমং লঘু সর্বত্র সপ্তমং দ্বিচতুর্থয়োঃ।
গুরু ষষ্ঠঞ্চ পাদানাং শেষেম্বনিয়মো মতঃ।।”
স্বপ্নবাসবদত্তম্ প্রথম অঙ্ক হতে সংস্কৃত ব্যাখ্যা-৫
৫) “কঃ কং শক্তো রক্ষিতং মৃত্যুকালে
রজ্জুচ্ছেদে কে ঘটং ধারয়ন্তি।
এবং লোকস্তুল্যধর্মো বনানাং
কালে কালে ছিদ্যতে রুহ্যতে।।”
উৎস:- কবিকুলহাসেন ভাসেন বিরচিতস্য স্বপ্নবাসবদত্ত নাটকস্য ষষ্ঠ অঙ্কাৎ সমুপলভ্যতে অয়ং শ্লোকঃ।
প্রসঙ্গ :- বাসবদত্তা শোকাৎ মুহ্যমানং উদয়নং সান্ত্বয়িত্বা যথাহ কাঞ্চুকীয়ঃ তদ্বর্ণয়তি – ‘কঃ কং শক্তো’ ইত্যাদিনা।
ব্যাখ্যা:- মৃত্যুকালে মরণ সময়ে কঃ কো নাম জনঃ কং কং নাম জনং রক্ষিতুং মরণাৎ ত্রাতুং শক্তঃ সমর্থো ভবতি? ন কোঅপি ইত্যর্থঃ। নিয়তেরবশ্যম্ভাবিতয়া ন ত্বয়া শোকঃ কর্ত্তব্যঃ ইতি। আয়ুষ্কালেগতে মনুষ্যানাং প্রযত্নঃ ব্যর্থোভবতি। এবং দৃশ্যতে লোকঃ বনানাভরণ্যানাং তুল্যঃ সমানঃ ধর্মঃ যস্য তাদৃশঃ, অরণ্যবৎ স্থিতিনাশযুক্তঃ। যথা বৃক্ষঃ কালে ছিদ্যতে নশ্যতি কালে পুনঃ রুহ্যতে উৎপদ্যতে চ এবং লোকা অপি যথাকালে ম্রিয়ন্তে জায়ন্তে চ। এষঃ কালধর্ম ইতি।
অত্র অর্থান্তরন্যাস অলংকারঃ। শালিনী বৃত্তম্ চ পরিদৃশ্যতে। তল্লক্ষণং তু-
“মাত্তৌ গৌ চেচ্ছালিনী বেদলোকৈঃ।”
স্বপ্নবাসবদত্তম্ প্রথম অঙ্ক হতে সংস্কৃত ব্যাখ্যা-৬
৬) পদ্মাবতী নরপতের্মহিষী
দৃষ্টা বিপত্তিরথ যৈঃ প্রথমং প্রদিষ্টা।
তত্ প্রত্যযাৎ কৃতমিদং ন হি সিদ্ধবাক্যা
ন্যুৎক্রম্য গচ্ছতি বিধিঃ সুপরীক্ষিতানি।।
উৎস:- কবিকুলহাসেন ভাসেন বিরচিতস্য স্বপ্নবসবদত্তনাটকস্য প্রথম অঙ্কাৎ সমুপলভ্যতে অয়ং শ্লোকঃ।
প্রসঙ্গ :- বৎসরাজ উদয়নস্য মহামন্ত্রী যৌগন্ধরায়ণঃ অত্র পদ্মাবতীহস্তে বাসবদত্তায়াঃ ন্যাসকারণং ব্যাকরোতি- ‘ পদ্মাবতী নরপতের্মহিষী’ ইত্যাদিণা।
ব্যাখ্যা:- যৌগন্ধরায়ণো বিচারয়তি যৎ পদ্মাবতী সন্নিধৌ অবন্তিকায়াঃ স্থাপনং তস্যা যোজনায়াং সহায়কং ভবেৎ। অপহৃতে রাজ্যে পুনঃ প্রান্তে উদয়নায় বাসবদত্তা সমর্পণাবসরে তচ্চারিত্ররক্ষা বিষয়ে পদ্মাবতী সাক্ষিনী ভবিষ্যতি। অস্মিন্ ব্যাপারে সিদ্ধপুরুষাণাং বচনমপি বর্ত্ততে। নিয়তিঃ স্বাধীনা, সা ন কস্যাপি বাক্যেন গচ্ছতি। তথাপি তন্ন সিদ্ধাদেশং উল্লঙ্ঘতীতি ভাবঃ। যথা ভবভূতিনা উত্তররামচরিতে উক্তম্-
‘ঋষিণাং পুনরাদ্যানাং বাচমর্থোনুধাবতি ‘ ইতি।
যৈর্হি সিদ্ধপুরুষৈঃ উদয়নস্য রাজ্যাপহরণরূপা বিপত্তিঃ পূর্বং সূচিতা, তে এব মগধরাজপুত্রী পদ্মাবতী কালান্তরে উদয়নস্য মহিষী ভবিষ্যতীত্যপি উক্তবন্তঃ। অততেষাং সিদ্ধপুরুষাণাং বচনে প্রত্যাবশাৎ যৌগন্ধরায়ণেন এতৎ সবং কৃতম্।
অত্র কাব্যলিঙ্গমলঙ্কারঃ, বসন্ততিলকং চ বৃত্তম্- ‘জ্ঞেয়ং বসন্ততিলকং তভজাজগৌগঃ ‘ পরিদশ্যতে।
